-Fica tranquilo, meniño-

Fica tranquilo, meniño;

fica tranquilo, corazón;

fica tranquilo, cachirulo

que a lúa sempre se pon.

Durme tranquilo miña ialma,

durme tranquilo na calor;

durme tranquilo meu anxo

que mañán sairá o sol.

Canta tranquilo ao espertar;

canta tranquilo no solpor;

canta tranquilo miña xoia:

hoxe o sol por ti vai cantar.

E se as nubes o ocultasen

ou quixeran eiquí ficar,

fica tranquilo, cachirulo,

fica, que todo ha pasar.